Central di polis ta manda un patruya pa Kong Hing Supermarket ariba Boulevard pa un caso di hortamento. Na caminda pa dicho establecimento, e patruya ta wordo para door di e guardia di siguridad di Safecom, cu a bisa polisnan cu ora cu el a yega na Kong Hing Supermarket, el a wak dos homber desconoci ta cana bay direccion zuid. El a sigui e homber y a wak con e homber a cana drenta lama. Despues el a bin ripara un tas cora bou di e palo di kwihi dilanti di Kong Hing Supercenter. Doño di e supermarket a declara cu el a sali for di e luga pa 9 or y 30 y a laga tur cos na ordo. Pero den oranan di marduga e ta wordo yama door di Safecom
Safety Security N.V. Tambe el a declara cu e sistema di alarma di Kong Hing ta den funcion y cu desconocinan a drenta den e luga. E ladronnan a drenta via parti panort. Den e gang di e supermercado a bin haya un piedra cual mas sigur lo a wordo uza pa kibra e glas y drenta paden. Desconocinan a bay cu varios boternan di bebida. Central di polis a wordo poni na altura.