Diabierna, 27 di Januari, pa 5 or y 45 di mainta, asistencia ta ser pidi na un hotel high rise pa un caso di maltrato.
Na yegada agentenan policial ta bin haya nan mes cu un otro caso, pero di ladronicia. E cabayero R. ta un huesped na e hotel. E cabayero en cuestion ta declara cu riba e mainta di 27 di Januari, pa mas o menos 5.30 e ta ripara cu e tirenan di su auto di huur ta los y cu e falta e tire di bandi patras, bandi chauffeur. E nutsnan tambe a disparce.
E turista R. a para su auto pa mas o menos 9 or di mainta riba e parkeerplaats di e hotel, band’i noord, di diahuebs 9 or di anochi. El a laga e auto atras den bon condicion.
E auto en cuestion ta propiedad di Royal Carrental. E compania aki a wordo poni na altura di e sucedido y a keda di pasa pa 8 or y mei di mainta pa yuda e turista.
E miembro di siguridad di e hotel a declara cu mas o menos 4 or y 45 di marduga el a pasa banda di e auto y e no a ripara nada straño. Ta trata aki di un auto color shinishi, marca Hyundai Accent, nr. V- 5268.