Diadomingo pa 9 or y 45 di mainta, Centrale Post ta manda patruya pa Paradera Park pa un caso di robo. Na nan yegada agentenan policial ta papia cu e cabayero Van Bella, cu ta di bishita ariba nos isla. El a declara cu e ta doño di un iPhone 6, color zilver cu nr. 0612543859. E dia en cuestion el a lag’e ariba mesa. Y banda di dje, su carson color beige cu su cartera color bruin cu preto, cu aden 45 florin Arubano, 60 US Dollar y 100 Euro. Ora cu el a bay drumi, el a pone e porta na lock. E no a cera e porta patras, pero a lag’e un tiki habri. Riba 26 di Februari banda di 8 or y 30 el a constata cu desconocinan a bay cu su cartera y su telefon. El a entrega denuncia di robo y Central a wordo poni na altura.