Central di Polis ta wordo manda pa un adres na Ponton pa un caso di ladronicia. Na e sitio polsinan ta papia cu e homber K., cu a declara cu dia den oranan di mainta e ta sali for di su cas, lagando tur cos intacto atras. Pa despues di 2 hora cu e ta bin cas bek, e ta wak cu e bentana banda links ta kibra. Ora cu el a habri e porta e ta wak cu tur cos den e cas ta reboltea.
El a bay controla den su camber, caminda cu e tabata tin dos mil dollar warda, cu a wordo horta door di e desconocinan. El a sigui declara cu e placa ta di dje y cu e no a duna niun hende permiso pa bay cu e placa. Denuncia a wordo entrega y BFTO a bin na e sitio pa tuma datonan.