Diahuebs merdia, pa mas of menos 2’or, e homber M. a presenta na warda pa duna keho di ladronicia. Segun M. el a staciona su auto Mitsubishi na Nos Luga na Meiveld, pa mas of menos 12’or y 2 di merdia. Rond di 12’or y mey, personal di Nos Luga a bati na porta y a bise cu desconocidonan tabata den su auto.
Segun M. desconocidonan no a kibra ningun bentana, pasobra el a laga nan habri. Akinan desconocidonan por a drenta den su auto y a bay cu su cartera cu varios documento importante den dje. Tambe nan a bay cu su telefon celular. Keho a wordo tuma.