Diahuebs marduga polis ta haya un yamada cu un kiebro a caba di tuma lugar na Starbucks den Paseo Herencia. Di biaha un unidad di Noord ta bay na e sitio. Security di Paseo ta conta cu e tawata canando controla meimei di e mall y diripiente e la wak un persona na preto core pasa bay.
E security no a confia e cos y a dicidi di bin controla dilanti e mall y canando bin e ta wak e porta di Starbucks habri y net un movecion di un auto bay. Tawata tin mas security den vecindario y anan a logra wak un pick up shinishi dobbel cabina mas info nan no tawata tin.
Nan mester a forsa e porta drenta bay direct den oficina y bay cu e caha fuerte. Remarcabel ta cu e porta no a wordo kibra y ainda e lock tawata afo dus ta pensa cu nan lo a pusha e porta na halto te ora cu e lock sali y asina habri e porta.