Central a dirigi patruya di Strandpolitie cu urgencia na Arashi pa un caso di ladronicia. Segun e melder un homber mester a bay cu un tas. Fuera di esey, el a mira e sospechoso, despues cu el a comete e acto, drenta den un Toyota Tercel cu glasnan getint y core bay. Number di auto y otro caracteristicanan die auto na e momento ey, no tabata conoci pa e denunciante, kende ademas di esey a declara cu tabata tin dos hende homber, di cual e sospechoso tabata un di nan. El a reconoce un di nan bao di e nomber “Chiaup”. Mientras tanto Central a indica cu e Toyota Tercel cu e dos sospechosonan a wordo mira den Alto Vista door di patruya. Na altura di Sero Janchi, e conductor di e Toyota Tercel a haya su mes envolvi den un accidente na altura di un cas den dicho bario. E chauffeur a dal contra un Chevrolet Colorado shinishi. Ambos sospechoso a sali for di e auto despues di e impacto. Un di nan a huy direccion nort y e otro direccion zuid. Un di e sospechosonan, despues di algun minuut dilanti un cas, a wordo señala door di patruya y deteni.