E homber KC a presenta na warda di strandpolitie pa duna keho di ladronicia di su rugtas cu contenido. El a declara cu riba 19 di Februari, rond di 10’or y 45 di anochi, e tabata cu un grupo di 20 persona riba e pista di baile di Moomb Beach Bar & Restaurant. Riba vloer, entre e grupo, el a pone su rugtas riba vloer. Patras di e grupo tabata tin dos homber desconoci, di entre 25 y 30 aña di edad y tur dos tabata color bruin. Un di nan tabata tin cabey cortico y cu postura basta stevig. Kico e tabata tin bisti, e denunciante no por a bisa.
E otro homber tabata un tiki mas largo, cu cabey scur. E tabata tin un postura normal y tabata tin un tshirt preto cu manga cortico bisti. Color di carson e no tabata sa. Pa mas of menos 15 minuut despues, rond di 11’or di anochi, el a bay coy su rugtas, pero esey no tabata mas riba vloer. A puntra e grupo di hende si nan a mira e tas, pero tur a bisa cu no a mira esaki. E dos hombernan desconoci cu tabata para patras di e grupo, tambe a somenta e momento ey. Na e momento ey e denunciante a haya sa cu su tas a wordo horta. Keho a wordo tuma y traha.