Diahuebs marduga, 12 di Januari, Central di Polis ta manda un patruya na un adres na Palm Beach pa un caso di ladronicia. Segun informacion duna na e oficialnan di polis, dos homber lo a sali for di e hardin di e denunciante y lo a bay cu algun articulo. Central a manda dos patruya di polis pa adres di denunciante.
E denunciante, MR, a sigui e dos cabayeronan aki cu su auto. Un di e ladronan aki a wordo gara un rato despues door di un di e patruyanan. Esaki a resulta di ta F.A.M.
Siguientemente patruya nr. 2 a sigui en busca di e di dos sospechoso, cual lo a drenta e mondi den area di Palm Beach y Marriott. Despues di un buskeda intensivo, polisnan no a logra pone man riba e sospechoso.
Polisnan a dirigi nan mes bek pa cas di e denunciante, kende a declara cu pa banda di 03.25 e tabata na cas, lanta ainda. El a tende un zonido di habrimento y ceramento di e frigidaire den e cushina parti pafo di e cas.
El a bay check riba e imagennan di e cameranan di siguridad y el a wak un homber bisti cu un t-shirt blanco cana drenta den su cura. E tabata coy cosnan cu tabata tin den su cura. Denunciante, M.R., a sigui e homber aki cu su auto, ora cu esaki a cana bay den direccion noord. El a ripara despues cu for di cas di su bisiña, P.B. 508 un otro homber a sali for di e cura di e cas en cuestion. Denunciante a reconoce e homber aki y esun prome como esunnan cu a horta for di su cura dia 29 di December 2016.
Bisiñanan di e denunciante mester wordo poni ainda na altura di e sucedido. No ta conoci kico precies e dos cabayeronan aki a horta for di cas di e bisiña. Riba e sospechoso Polisnan a bin haya varios articulo. Polisnan a bay controla na percela nr. 508 y nan a nota cu den cura tabata tin un auto preto, cu no tabata cera na yabi. Kisas e dos cabayeronan lo a horta for di e auto aki. Denunciante a keda di tuma contacto cu su bisiñanan y pone nan na altura. Denunciante M.R. a keda di pasa warda di Shaba pa su mañan mainta 8.15 pa pone denuncia. Central a wordo poni na altura.