Comandante na warda a manda patruya den Italiestraat pa un caso di ladronicia. Eynan a papia cu e office manager yama O, kende a declara cu e dia anterior, el a cera tur porta y bentana na yabi y a laga tur cos intacto. E dia siguiente, ora el a yega bek na e negoshi, el a ripara cu decsonocidonan a kibra glas di su oficina riba di dos piso. E bentana caminda cu e desconocidonan a subi posiblemente, ta situa banda nort. Durante e control, el a mira cu nan a reboltea su oficina. Te asina leu, e no a haya falta di nada for di den e oficina. Alabes el a wak rastronan di sanger riba su lessenaar y tambe riba vloer. E anochi anterior, e alarma a bay on y e compania di siguridad, hunto cu polis a yega na e sitio, pero no por a mira cu e bentana a wordo kibra rib e di dos piso.