Central di Polis ta manda un patruya di Oranjestad pa e compleho di apartament na Bushiri relaciona cu’n kiebro. Na nan yegada polisnan ta wordo atendi cu e cabayero T.R., cu ta declara cu desconocinan a drenta den su cas. Nan a destrui e bentana di e cushina di e cas.
Ladronnan a bay cu’n DVD player y algun joyas, como tambe un mini laptop. Polisnan a tuma e denuncia y a pone Central di Polis na altura di e sucedido.