Central di Polis ta manda un patruya pa Otaheitistraat, unda e cabayero N. ta bin atrapa un desconoci cu tabata purbando pa bay cu auto di su tata. E tabata di bay hiba su pareha cas, ora cu el a bin topa cu e persona aki, desconoci p’e den e auto blanco marca Mercedes Benz. Un persona color cla, delega y cabey cortico, bisti cu un jacket color scur, jeans preto y sapato. Ora cu el a wordo atrapa el a sali di biaha for di e auto y core bay direccion pariba. Un otro patruya tira un bista den vecindario pero no a haya nada. E cabayero N. a entrega keho. Centrale Post y BFTO a wordo poni na altura.