Actualmente La Salle College ta preparando ariba e proyecto anti- termento cu nan ta preparando pa luna di Mei. Juffrouw Elaile St. Jago ta splica mas ariba esaki.
Ta trata di un serie di lesnan cu lo bay wordo ofreci na e muchanan di Ciclo Basico. E lesnan lo tuma luga durante e mentor urenan. Dus cada docente cu ta un mentor di Ciclo Basico lo bay voer uit e lesnan aki den su mentorklas. Lo uza bukinan cu nan a haya for di Telefon di Hubentud. E ta un consisti di manual pa educador y tambe un werkboek (buki di ehercicio) cu e muchanan lo uza.
E proyecto aki lo yuda e muchanan con pa handle un situacion ora cu e pestemento tuma luga. Nan lo siña con pa reconoce cu un pestmento ta tuma luga y nan lo siña tambe con pa yuda alumnonan cu ta ter. Ta tur dos alumno, esun cu ta ter y esun cu ta wordo geter, tur dos mester wordo yuda. Tambe lo siña e alumnonan e diferencia entre reda y raporta.
Ta organisando e lesnan den un samenwerking den un team di coleganan di La Salle mes. Dus mentornan di klasnan di Ciclo Basico. Asina ta sigura cu cada alumno lo haya e mesun cantidad di demanda, loke ta trata e programa, e metanan di anti pest programa.
A link e proyecto aki hunto cu e caminata di la Salle College, ya cu e ta un manera hopi positivo pa prepara e alumno y mayornan pa loke ta trata e proyecto.
E tema Respet ta central. Y tur coleganan ta di opinion cu un palabra positivo lo trece un acercamento positivo pa loke nan kier bay haci. Ta bendiendo e ticketnan na balor di AWG. 5,- y tambe cada alumno a haya ticket pa bende. Nan ta spera un publico grandi pa otro siman y door di ricibi ayudo for di comunidad, nan lo por yuda e muchanan tambe, segun Juffrouw St. Jago a informa.