Na principio di e aña aki La Cabana a participa na e iniciativa di Aruba DOET. E obhetivo original tabata pa yuda un mainta cu e trabaonan den e hardin, verf e Jungle Gym di nobo y verf algun wega riba e floor di e patio di Casa Cuna pa e muchanan por hunga den un ambiente safe y limpi.
Despues cu e trabao di e hardin a wordo completa, e asociadonan a sigui pa e weganan riba floor y e Jungle Gym. Tabata obvio cu e Jungle Gym no por a wordo simplemente geverf ya cu e la frustia na varios parti. E Jungle Gym mester a wordo geschuur prome, gewelder pa siguridad y despues geverf.
Como cu La Cabana Beach Resort & Casino ta kere den haci cosnan corecto y termina loke a cuminsa, e Gerente General y su ekipo di asociado a compromete pa e Jungle Gym wordo geschuur y gewelder profesionalmente prome cu nan bay pa verf e di nobo.
Ademas nan a laga haci full e propiedad limpi pa hardineronan profesional, y nan a lag’e estupendo.
Despues di tres bishita adicional na Casa Cuna pa verf e Jungle Gym, e proyecto a termina 10 di juli 2018.
La Cabana Beach Resort & Casino ta kere den provee experiencianan memorabel pa e muchanan den nan hogar di criansa. E Jungle Gym ta importante pa nan y p’esey e ta importante pa La Cabana.