La Cabana Beach Resort & Casino ta confirma su compromiso cu Casa Cuna

0
RBC Juli 2018
Funmiles-2018

Como parti di Aruba Doet 2018, La Cabana Resort & Casino a busca boluntario entre su asociadonan pa e trabao comunitario. E proyecto cu a wordo apunta na e hotel tabata involucra Casa Cuna di Progreso, e cas cu ta tuma baby y mucha chikito situa na Balashi.
E boluntarionan a lora nan manga y a bay yuda verf y drecha e speelplaats y en general organisa un bon clean-up.
Na yegada na e sitio tabata obvio cu e Jungle Gym casi no tabatin color y tabata kibra na varios parti. E boluntarionan a haci tur lo posibel pa limpia e hardin, bari e foyonan y pinta e weganan di nobo riba vloer, pero e Jungle Gym tabata rekeri trabao adicional, no por a djis verf e pero mester a schuur e prome.
Gerencia di e hotel boluntariamente a bay di acuerdo cu e compromiso adicional y a contrata ayudo externo pa profesionalmente corta y drecha tur mata den e hardin y schuur, soldeer y inspecciona e Jungle Gym pa mayor siguridad.
Recientemente, riba un diasabra, e boluntarionan di La Cabana a bolbe pa e fase final di verf. Un otro bishita ta programa pa completa e trabao rond di e speelplaats, pero e boluntarionan ta comprometi y nan lo regresa.
E ekiponan di Recurso Humano y Housekeeping a bay di acuerdo cu nan lo finalisa e proyecto aki adecuadamente y nan lo entrega un producto cu nan ta orguyoso di dje pa e muchanan, ya cu La Cabana nunca ta keda sin caba un trabao y semper ta bay e ‘extra mile’.

Comments

comments

C: Heineken
new india
dvg