Manera a bira tradicion, asociadonan y gerencia di La Cabana Beach Resort & Casino recientemente a bin hunto pa honra e resort su top asociadonan di e kwartaal, honrando nan logronan pa e ultimo kwartaal di 2016.
E evento a celebra tres top asociado cu a sobresali, Seferina Werleman di Housekeeping pa October, Naisa Nurse di e Health Club pa November, y Julio Cesar Maduro di e Departamento di Pool and Beach pa December.
Gerencia tambe a aplaudi Juraima Henriquez di Pool and Beach pa su esfuersonan excepcional durante e luna di October, Rowgan Cobrador, tambe di e Departamento di Pool and Beach pa e luna di November, y Rene Wild di e Health Club pa December.
E ceremonia di aprecio tambe a reconoce e logronan di supervisornan di e resort Zoila Danje, Kitchen, y Rocio Velasquez di Housekeeping, sinembargo tabata Velasquez cu a bay cu e titulo maximo di Supervisor di e di Cuater kwartaal di 2016.
Manera ta e custumber durante e ceremonia di kwartaal, nominadonan pa e ekipo di e di Cuater Kwartaal a wordo anuncia, cu e Public Area Team sobresaliendo riba e Pool and Beach y Activities Teams pa gana e reconocemento maximo.
Aki por mira algun momento alegre di e ceremonia di premiacion.