WILLEMSTAD – Kustwacht Caribisch Gebied (KWCARIB) mainta tempran di diamars, 3 di Januari, un biaha mas a detene un embarcacion cu dos Venezolano.
E operador di radar di e Centro di Rescate y Coordinacion di Kustwacht a detecha un contacto sospechoso zuidwest di Corsou. Un unidad for di e punto di sosten di kustwacht na Corsou a wordo poni den marcha di biaha. Pazuid di Santu Pretu, por a topa un embarcacion sin luz tipo Yola cu tabata nabegando parti pazuid. Esaki a wordo constata pa tripulacion di Super RHIB, cu tabata tin dos persona abordo y cu tampoco no por a mustra ningun documento di estadia. E Yola a wordo treci na e punto di sosten na Parera. Ambos persona di nacionalidad Venezolano a wordo pasa papolis, kendenan, hunto cu Kustwacht lo haci un investigacion den e caso.