Diasabra merdia pa mas o menos 13:48 RCC di Kustwacht CARIB a haya un melding cu lo tin un boto gebolter na altura di Boca Sami riba lama grandi y cu lo tin 9 persona cu a cay na awa.
E interceptor I-03 a sali di biaha pa Boca Sami. Na mes momento a Citro a wordo yama pa keda pendiente pa un eventual asistencia.
Na altura di Korredor e comandante di I-03 a haya e melding cu tur 9 pasahero a yega tera sano y salvo. Pa mas sigur, e comandante a bay check pa mas sigur cu tur hende tabata ok.
Na yegada di e interceptor di Kustwacht a constata cu e boto tabata mita bou di awa. Na e sitio un boto grandi tambe a purba yuda tow e boto chikito aki cu tabata ya caba mita bou awa. Pero esaki no a logra. Despues cu a verifica cu tur hende tabata bon di salud, y cu e boto no tabata forma niun peliger pa trafico marino, e tripulacion di I-03 di SAR a finaliza e accion. Cu danki na coleganan di Citro pa e respons rapido.