Riba dia 26 di September, a tuma luga riba e centro di Kustwacht, e Initial Planning Conference (IPC) pa e entrenamento “Open Eyes 2017”. “Open Eyes” ta un entrenamento di Buskeda y Rescate (SAR) cu ta wordo teni cu e kustwacht di Venezuela. E entrenamento aki a tuma luga ultimo biaha na 2015 y lo wordo organisa na October 2017. E meta di e entrenamento aki ta pa hunto reenforsa e area di SAR y pa entrena riba proceduranan di SAR. Comandante di e kustwacht Venezolano a trece dos miembro di staf cun’e na e centro di Kustwacht. Despues di un palabra di bon bini for di e Director di Kustwacht, e delegacion di e kustwacht Venezolano y KWCARIB hunto lo bay prepara e entrenamento aki riba liñanan grandi.