Kustwacht a detene 26 ilegal na Klein Curacao. E dia prome tambe 3 persona a keda deteni.
Den un bon accion coordina di Kustwacht, cu Super-RHIB y Jet-Ski y e Dash-8 y e helicopter den aire, tabata tin un total di 29 persona indocumenta cu nacionalidad Venezolano. E accion aki a bin ta sosodiendo pa algun nochi y dia y e resultado tabata e detencion ya menciona. Durante e accionnan aki e tripulacion semper mester keda alerta, mirando cu imigracion ilegal hopi biaha ta wordo haya cu arma y droga.
Na e punto di sosten, e personanan deteni a ricibi prome cuminda y bebida, tambe deken y paña, mirando cu nan tabata tin señal di deshidratacion. Despues nan a wordo pasa pa polis, cu tin un investigacion hunto cu kustwacht.