Diadomingo atardi Kustwacht a asisti den e intercepcion di un cantidad significante di droga door di e coleganan di Marina Colombiano. E avion di reconocimento di Kustwacht, DASH-8, a sigui un “Go Fast” den colaboracion cu e Mericanonan. Marina Colombiano tabata por a intercepta e boto rapido aki cerca di e costa di Colombia. E Go-Fast a laga Colombia den direccion nort, pero a bin bek debi na fayo di motor. E carga di cocaina, un total di 412 kilo, a wordo confisca y dos miembro di tripulacion a wordo aresta.