WILLEMSTAD – Kustwacht na Corsou a detene riba e anochi di dia 24 di Februari, tres persona. Tur tabata di nacionalidad Venezolano.
Pa mas of menos 12’or y mey di madruga, operador di e Centro di Rescate y coordinacion di Kustwacht a ricibi un contacto sospechoso parti pazuid di Corsou. Riba esaki, un patruya cu Super-RHIB di Kustwacht, a wordo manda mesora. Na altura di Vrijgezellenbaai, nan a haya un embarcacion sin luz tipo Yola, cu tres tripulante. Tur ta di nacionalidad Venezolano. Ningun di nan por a mustra un permiso di estadia. E embarcacion a wordo hiba na punto di sosten na Parera, caminda nan a wordo pasa pa Polis. E embarcacion a wordo confisca. E caso aki ta bao di un investigacion.