Segun vergunning di polis pa Wilhelmina Kanker Fonds, nan no mag di uza muchannan bou di 18 aña pa colecta. Sra. Lily Prins ta amplia.
Sra. Prins kier haci un yamada na organisacionnan cu tin personanan adulto, hoben adulto, cu lo por yuda Wilhelmina Fonds. Durante añanan, y e aña aki, den nan vergunning, ta para cu un mucha bou di 18 aña no por colecta. Antes Wilhelmina Fonds, nan tabata haya miembronan di Kiwanis na Colegio, y nan tabata bin yuda Wilhelmina Fonds pa colecta. Muchanan ta kibra curason di hende y nan ta colecta bon. Pero hende grandi tambe ta colecta bon.
Pesey mes Wilhelmina Fonds ta haci un yamada na e persona cu ta sinti cu e pero yuda Wilhelmina Fonds pa bin colecta. Duna e fundacion un man, y Sra. Prins a bisa cu e mes lo subi caya pa colecta ya cu e sa kico ta nan gastonan.
Ta di lamenta cu muchanan no por colecta, ya cu e muchanan ta sinti cu e diasabra ta un “uitje” y nan tabata yuda hopi bon. Ya caba e instancianan concerni, cu nan no por acepta muchanan bou di 18 aña. Awo ta keda na comunidad, si bo por dedica 2 ora pa colecta, Wilhelmina Fonds ta mas cu gradicido.
Dos club di Harley lo bin yuda colecta y tambe empleadonan di un compania grandi lo bin pa yuda recolecta. Ta invita tur persona ya cu diasabra lo bay tin un apertura mas special, riba Plasa Daniel Leo, unda cu Club di Movemento lo duna show special pa recauda fondo na momento cu e show ta andando, segun Sra. Lily Prins, di Koningin Wilhelmina Kanker Fonds.