E agencia renombra di modelo, KOMA MODELS, ta buscando modelo nobo. Hende homber y Hende muhe cu ta interesa den forma parti di e miho agencia di modelo di nos pais ta wordo invita pa presenta na TRASH Store Diaranson Awor pa 7’or di anochi pa e casting nacional. Ta Busca hende homber di 16 aña bay ariba cu un estatura minimo di 1.80 m y hende muhe di 14 aña bay ariba cu un estatura minimo di 1.70 m. Participacion na e casting ta completamente gratis. Esunnan interesa mester presenta na TRASH Store pa 7pm bisti den jeans y cu un estilo casual. “Personalidad, Cara, curpa y estatura ta factornan importante na momento di selecciona un fashion model. Nos agencia semper Ta busca pa amplia nos portofolio di looks cu nos ta representa. Na Aruba modelahe ta un hobby y un forma sano di expresa talento” Ta locual presidente di KOMA MODELS, Ronchi De Cuba, a informa. Pa mas informacion di e casting por contact e agencia via Facebook na e pagina di KOMA MODELS.