SEOUL, Sur Korea – E dictador Nor Koreano, Kim Jong-un a duna ordo pa mata su ruman. Esaki ta segun politiconan Sur Koreano kendenan a wordo avisa pa e servicio di inteligencia, riba morto di Kim Jong-nam.
Kim lo mester a wordo venena na Malasia na e aeropuerto na Kuala Lumpur. E lo mester a wordo gara di trincion, segun un funcionario di polis, caminda cu el a keha di mareo. Kim a fayece na caminda pa hospital.
Servicio di Inteligencia Sur Koreano ta di opinion cu Kim Jong-un a duna opdracht pa laga mata su ruman mas grandi. Lo tabata tin un intento caba pa likida na 2012 pa mata e yiu homber mas grandi di e ex lider Nor Koreano, Kim Jong-il.
For di imagennan di camara a bin resulta cu sigur un hende muhe tabata envolvi door di e atake, un fuente di polis na Malasia a bisa.
Fuente: ANP