TECNOLOGIA
AUCKLAND, New Zealand- Un tribunal di Nueva Zealand diaranson a cuminsa studia e ultimo recurso di apelacion presenta pa abogadonan di e informatico Aleman Kim Dotcom. Kim ta wordo acusa di pirateria informatico y otro delitonan na Merca.
Dotcom, un di e socionan di e portal di datonan Megaupload, cual ya no ta existi mas, a wrodo deteni mas di 6 aña pasa den un mansion na Auckland, durante un operativo internacional grandi y parti di su fortuna a wordo congela.
Na Februari 2017, e Tribunal Superior di New Zealand a ratifica e fayo na fabor di extradita Dotcom pa MErca, cu ta pidi su extradicion pa 13 delito, incluyendo crimen organisa, labamento di placa y fraude electronico.
E representantenan legal di Dotcom a apela e decision den e Tribunal di Apelacion, e di dos instancia hudicial mas halto di e pais Oceanico y cu sede na Wellington. E proceso lo por dura cuater siman.
Ni e Aleman ni su tres ex socionan aresta den e mesun operativo (Mathias Ortmann, Bran van der Kolk y Finn Batato) a acudi na e audiencia.
Grant Illingworth, abogado di Ortmann y van der Kolk, a argumenta cu e acusacionnan pa viola derecho di autor di cual e ta wordo busca na Merca no ta hancra den e constitucion Neozelandes, cu solamente ta permiti extradicion di e caso por wordo husga tambe den e pais Oceanico.
Dotcom na Januari ultimo a presenta un demanda contra di e gobierno di New Zealnad, e tempo ey bou di mando di e conservador John Key, pa dañonan causa pa su detencion.
A raiz di operativo orkestra pa FBI a cera e portal Megaupload, su cuentanan a wordo tuma den beslag, y a cuminsa un bataya dificil pa su extradicion pa Merca cu a extende den varios proceso.
Autoridadnna Mericano ta di opinion cu Megaupload, cu un tempo a yega di tin 50 miyon usuario, a logra beneficia di 175 miyon dollar (143 miyon euro) pa supuestamente warda material ilegal.
Te cu awo, e shete miembronan di Megaupload imputa na Merca, solamente e programmer Estonio Andrus Nomm, a wordo condena, pa algo mas di un aña pa a admiti cu el a viola derechonan di autor.
Fuente: https://www.efe.com