“Kids & Youth in the Kitchen YMCA Aruba tabata exitoso”

0

Diasabra dia 7 di October ultimo, YMCA Aruba a ofrece pa prome biaha un programa cu les di cushina pa mucha y hoben, bou guia di Glenn Ridderstap. E prome les tabata di e tema: Desayuno.

E prome les tabata un exito completo, unda e participantenan a siña traha diferente tipo di desayuno entre otro french toast, scrammbled egg y omelet. E les a tuma luga na forma di un seminario, unda cada participante a ricibi e oportunidad y guia con pa traha e diferente platonan. E muchanan a pasa un mainta agradabel y a gosa hopi di e les.

YMCA Aruba su meta ta pa crea lidernan den nos comunidad y pa enfoca ariba un desaroyo positivo di nos muchanan y hobennan. A base di e programa nobo akinan, YMCA Aruba ta desea di yuda nos muchanan y hobennan ariba e area di independencia, como tambe yuda nan desaroya nan talento den cushina. E programa di Kids & Youth in the Kitchen ta continua pa 3 siman mas cu e temanan: lunch, dinner y snack!

YMCA Aruba ta gradici Glenn Ridderstap, kende semper ta cla pa yuda guia nos muchanan y hobennan ariba e area culinario!

LEAVE A REPLY

Please enter your comment!
Please enter your name here