Sra. Marvine Kock, di Criojojo Trappers ta elabora mas ariba e killing cage, cu ta un forma inhumano di mata e animalnan den e killcage.
Ta ser bisa cu e ta pone e cachonan drumi na un forma inhumano, pero ariba videonan riba Facebook por a wak ariba e videonan con nan ta mata e animalnan. Nan ta matanan na un manera no etico.
Recientemente tabata tin un situacion biaha pasa, caminda por a wak con e cachonan ta sufri y grita den e truck y ta un persona so tabata den e killcage. A manda pidi pa un persona mas y manda e peticion pa minister, cu mester studia e documentonan aki. Criojojo Trappers a haci di nan banda, e minister mester studia esaki y ehecuta e ley aki.
Criojojo Trappers no tin poder pa bisa cu stop cu e killcage. Aworaki , door cu e entrega e documento nan Minister, awo cosnan mester bay cana debidamente pa stop esaki, conhuntamente cu’n programa di educacion. E pueblo mester wordo educa, ya cu ora cu tin un cacho tefi, mester lag’e loops un biaha sikiera, cual ta nonsense. Un cacho macho por dek diferente cacho tefi, pero p’esey mester sterilisa y castra.
Durante e ultimo manifestacion, den e manfiesto a pidi pa e cos aki bay lo mas lihe posibel, y den e reunion cu minister a entrega e documentonan necesario, pa wordo studia y despues nan lo wordo yama, pa despues cosnan cuminsa cana, si tur cos bay bon.
Tur cos ta depende di e maneho di minister di Salubridad, Sr. Dangui Oduber. Con hopi e ta bay dura, tur cos ta depende di e maneho di e minister en cuestion, segun Sra. Marvine Kock di Criojojo Trappers.