Aunke generalmente sa varia di geel pa transparente, segun e grado di hidratacion, e color di nos urina tambe por indica nos diferente falta of presencia di algun alteracion.
E color di nos urina por ta di lo mas elocuente si loke nos ta busca ta analisa nos estado di salud.
Y ta cu, ademas, awo nos por sa den funcion di e color di urina, e estado di salud cu nos tin, danki na e trabao cu a tuma luga pa un ekipo di investigado di Cleveland Clinic na Ohio.
Ta trata di un infograma cu ta yuda visualisa claramente ki colornan urina por tin y kico cada uno ta indica riba nos salud.
Dentro di e rango di color cu ta baraha por observa desde e tono transparente pasando pa geel traslucido y cla, te cu e tononan mas scur.
Ademas tambe tin cu tene na cuenta cu por presenta tonalidadnan roos pa cora, oranje y berde y hasta biña y su significado por bay cambia den e funcion di e tono, manera nos ta bisa.
Urina si colo of transparente
Si bo tin e color aki di urina, por ta esey ta nifica cu bo ta tumando hopi awa y kisas bo mester controla e cantida cu bo ta bebe.
Urina geel
Ta existi diferente tonalidad cu por indica aspectonan hopi distinto:
Geel cla: ta nifica cu bo ta normal y bo ta perfectamente hidrata, asina ta cu pabien, pasobra ta e tono mas recomendabel.
Geel scur: Bo curpa ta normal, pero bebe mas awa.
Amber of honing: Bo curpa no ta ricibiendo e awa cu e tin mester, e ora bo mester bebe mas awa.
Cerbes preto: Si bo tin e urina di e color aki, ta nifica cu bo por tin un enfermedad hepatico, of un severo cuadro di deshidratacion. Bebe mas awa y si e color ta persisti, bishita bo dokter.
Urina cora
Si bo a come rooibiet of blueberries ultimamente, ta normal cu bo urina ta adkiri tononan cora. Si bo no a come e alimentonan aki, bo tin sanger den urina.
Esaki por ta no ta nada of cu por indica problemanan grave manera enfermedadnan renal, tumor, infeccion, etc. Den cualkier caso, lo mas recomendabel ta pa bo bishita bo dokter.
Urina color oranje
Urina di color oranje por ta di varios causa cu nos por balora:
No ta suficientemente hidrata.
Sintoma cu bo no ta hibando un alimentacion adecua.
Presencia di algun tipo di enfermedad hepatico.
Urina color blauw of berde
Si bo tin e urina cu e color aki, bo mester bishita bo dokter, aunke solamente ta como algo preventivo.
E color berde of blauw den urina por ta door di un condicion genetico poco comun (Hipercalcemia), ora di ingeri algun alimento of como efecto di medicamentonan determina.
Urina cu spuma
Si ta ocasional, no tin ningun problema. Si e ta persisti, e por nifica exceso di proteina den bo dieet of un enfermedad renal.
Manera den e casonan anterior, miho ta pa consulta cu un specialista.
Urina biña
Aunke segun specialistanan di Cleveland Clinic, no ta existi tal color di urina, tin estudionan cu ta afirma cu e por ta asina despues di cataterisacion di pashent, por lo general, muhenan, cu problema renal.
No obstante, ta extremadamente raro cu urina por adkeri un tono biña.
Urina blanco
Si urina tin cierto particulanan blanco, esey ta nifica presencia di un infeccion di bacteria.
Urina di homber tambe por tin un color blanco tras di relacion sexual. Esey ta sosode vooral den hombernan di edad mas avansa.
Casonan caminda cu tin consulta dokter di biaha
Si ta presenta algun di e casonan aki, miho cos ta pa consulta cu un dokter cu e mayor rapides posibel:
Si bo ta observa un color anormal di e urina sin splicacion y cu no ta disparce.
Den e caso cu bo ta observa cu tin sanger den urina. Aunke ta un solo biaha, ta suficiente pa tuma contacto cu un specialista.
Den casonan cu e urina ta di un color maron scur of di color roos, cora of un color maron huma, cu no ta debe na un alimento ni medicamento.
Si bo mira cu bo irina, ademas tin un textura hopi diki of “cu bubbles”. Esaki por nifica un problema den bo riñonnan.
En todo caso, si bo nota holonan fuerte durante un periodo largo di tempo tambe ta recomendabel pa acudi na un specialista mas pronto posibel.