Kenneth Wong ta e ganador di e torneo di tennis di Gamma IT Solutions

0
RBC Juli 2018
Funmiles-2018

Diasabra, 5 di mei, a tuma lugar e torneo di tur luna di Gamma IT Solutions riba e veld di Playa Linda Beach Resort. E torneo aki ta tuma lugar tur prome diasabra di cada luna y ta wordo organisa di Tennisschool Omnibus. E concepto di e torneonan ta cu tin 8 team cu ta participa den 2 wega cortico pa determina e nivel di e competencia. E teams cu gana ta bai door na un siguiente poule. E teams cu perde tambe ta bai door den otro poule y ta hunga 3 wega mas tambe. Di e manera aki tur teams cu inscribi ta hunga un total di 5 wega.
Diasabra e ganador absoluto tabata Kenneth Wong, cu a keda na prome lugar. Di dos lugar a bai pa Aethielle Kelkboom y na di tres lugar tabata Cristian Sainz.
Promer lugar: Kenneth Wong
Segundo lugar: Aethielle Kelkboom
Tercer lugar: Cristian Sainz
Gamma y Tennisschool Omnibus ta felicita e ganadornan y ta motiva henter pueblo di Aruba pa participa den e torneo di tennis, cual ta un manera agradabel pa mantene e curpa activo y saludabel.
Manera ta custumber caba tur participante, famia y amigonan presente ta disfruta di un dushi BBQ.
Si bo ta interesa pa participa, por inscribi via http://omnibustennis.com/gamma. E siguiente torneo di Gamma lo tuma lugar diasabra, 2 juni 2018.

Comments

comments

C: Heineken
new india
dvg