Ken ta sufri mas di stress laboral, e homber of e muhe?

0
RBC Juli 2018
Funmiles-2018

Un estudio riba gran escala a revela datonan nobo riba e tasa di morto prematuro entre diferente gruponan di homber y muhenan exponi na stress laboral, The Guardian a informa.
E investigacion a wordo haci durante 14 aña na Finlandia, Francia, Suecia y Reino Uni. A analisa mas di 100 mil persona cu y sin malesanan di curason. Na comienso di e periodo ey, cada persona a yena un cuestionario riba su estilo di bida, trabao y salud.
Na final di e estudio, 3841 persona a fayece. Na nan trabao, cientificonan a relaciona dos tipo di stress laboral, malesanan di curason y e tasa di mortalidad entre homber y muhenan cu ta participa den e investigacion.
E prome tipo di stress, califica como tension laboral, a wordo vincula cu trabaonan exigente cu poco control ariba e carga laboral. E di dos, describi como “desekilibrio entre e esfuerso y recompensa”, tabata afecta personanan cu tabata pone hopi esfuerso pero tabata haya poco recompensa pa e trabao cu nan tabata realisa.
Resultadonan a demostra cu hende homber cu diabetes, malesanan di curason of cu anteriormente a yega di haya un derame celebral tin e probablidad di 68% mas halto pa muri prematuramente si nan sufri di e prome tipo di stress. E tendencia tabata cu nan lo a sufri di esaki, a pesar di cu nan tabata practica deporte, nan ta controla nan masa corporal y presion arterial, y no ta huma. Sin embargo, e di dos tipo di stress no tabata demostra tanto influencia den e cifranan di morto prematuro den e grupo aki di hende homber.
Loke mas ta sorprende, sin embargo, ta cu ni e prome ni e di dos tipo di stress a demostra di tin influencia riba e tasa di mortalidad entre muhenan cu a participa den e estudio.
E cientificonan a duna un posibel splicacion na e conclusionnan aki. Stress ta subi e presion arterial, cual ta aumenta e risico di atakenan cardiaco of accidentenan celebrovascular den personanan cu ya caba ta sufri di problemanan di ader, yama aterosclerosis. E condicion aki ta mas comun entre hombernan den edad labora cu den hende muhe, cual por splica e diferencia entre e dos sexonan.

Fuente: Actualidad RT

Comments

comments

C: Heineken
new india
dvg