Segun e presidente di KvK, Sr. Ernst Mohamed, a logra basta cos den corto tempo pa cual e ta splica mas di algun di e puntonan.
KvK a reuni cu varios instancianan, e.o. Cu DIMAS, y cu tur e partidonan politico cu ta bayendo eleccion pa asina por comparti y pa nan tambe tende di e vision cu Kamer van Koophandel tin pa e proximo añanan.
Segun Sr. Mohammed, nan a reuni cu varios delegacion, di Haiti, Guatemala, Venezuela y hasta Sud- Africa pa asina wak con pa habri lasonan comercial cu otro paisnan na mundo. Por lo pronto, den un luna mas o menos, Kamer lo sali cu e documento cu tur partido politico a wak y a bisa di lo firme, pa locual ta e vision di Kamer pa e siguiente 4 añanan.
Tin un grupo di millenials, dus e grupo jong di comunidad, tambe ta bin cu un debate politico. Sr. Mohammed ta sumamente contento y orguyso cu esaki, ya cu e grupo jong den comunidad pa nan tambe check e area politico cu ta reinando nan Aruba. Skuchando nan metanan, Sr. Mohammed ta hayanan hopi bon y ta haya cu mester sostene e mucha jongnan aki den nan debate.
Dus despues di e debata di Kamer van Koophandel, e grupo di millenials aki lo tene nan debate politico. Sr. Mohammed ta spera cu e debate aki lo haya e mesun atencion y e mesun poder cu esun di Kamer van Koophandel.
Por ultimo Sr. Ernst Mohammed, presidente di Kamer van Koophandel a gradici tur participante na e hack- a ton y tambe na prensa pa nan cooperacion.