LONDRES, Reino Uni- Ministerio di Relacionnan Exterior di Ecuador a celebra decision di Ministerio Publico di Suecia pa no sigui cu e investigacion pa cargonan di violacion contra di Julian Assange. Assange, fundado di WikiLeaks a reitera su peticion pa Reino Uni dun’e un autorisacion pa e por biaha pa Ecuador.
“Shete aña sin wak luz di dia, shete aña sin wordo acusa. Mi no ta lubida ni tampoco pordona”. Asina Assange a bisa durante un conferencia di prensa desde e Embahada di Eucador na Londres.
Assange a gradici Nacionnan Uni y a bisa cu “esaki ta e ultimo recurso cu nos tin ora cu nos mete cu e politica di nos pais of cu e geopolitica”. Tambe el a gradici Ecuador y su sistema di asilo.
“E ciudadano Australiano Julian Assange ta permanece den siutacion di detencion arbitrario pa shete aña caba. Na Augustus 2012, pa miedo di cu su sospechanan di persecucion politico for di gobierno Mericano por bira realidad”.
Directora di Ministerio Publico Sueco, Marianne Ny a dicidi di archiva e investigacion pa violacion contra di Assange.
E motibo di e supuesto violacion ta data for di 2010. E fundado di WikiLeaks, di nacionalidad Australiano no a wordo acusa formalmente y a nenga e acusacionnan di violacion na varios ocasion. Otro tres caso di presunto asalto sexual contra di e fundado di WikiLeaks a caduca na Augustus 2015.
Assange ta refugia den e Embahada Ecuatoriano na Londres for di Augustus 2012 pa evita su aresto
Fuente:www.cnn.com