Green Corridor ta destina pa embeyece full e parti dilanti, pero si bay pone hopi auto para eynan, e ora no ta keda nada pa embeyece. Pero si ta bezig creando espacio pa autonan por para na banda, pero esey no ta bay ta completamente cu ta bay yen’e full cu auto. E ta bay tin su limitacion pero si ta bay tin espacio pa auto por para na banda, segun Jossy Kock di DOW.
Kock a sigui splica cu e caminda secundario, antes yama caminda bieu, esey te ainda tin su funcion como un caminda principal, pero caminda secundarionan hopi biaha ta referi nan como caminda unda cu auto no mag core duro y pa stroba esey ta pone medidanan den caminda cu ta stroba esey. Ta caminda vooral cu ta yega bo cas. E no ta un caminda unda cu ta permiti pa auto core duro riba dje.