E brug tin dos banda, cu ta cubri 750 meter cuadra, banda p’ariba y banda p’abao. Na prome instante a cuminsa y pesey a haci e cortamento di mangel den dos fase. E prome stadium tabata tin indicacion di 1125 meter cuadra, segun Jossy Kock di DOW. A wanta cu esaki y a bisa cu kier wak berdad si esey ta necesario si of no. A base di esey, a snoei loke tabata necesario pa nan por a construi e pianan di brug y awor cu e pianan ta cla, mester bolbe bay bek wak kico ta necesario cu lo tin cu wordo corta, y a bin resulta na 750 meter cuadra.
Kock ta sigui splica cu e contratista a kies pa un sistema caminda cu ta transporta e kabelnan pisa den aire via un sistema di kabel. Pa e motibo aki no lo bay pone structuranan pisa den e lagoen. Na rand di e lagoen si lo bay tin tres pin, esta pilon cu ta wordo poni den dje. Esey ta pa traha un structura riba dje pa pone un construccion temporal cu ora cu ta wanta e structura di brug, te ora cu cera e mita arca pa asina ey e ora manera cu cere e brug ta carga su mes caba e momento ey y e ora ey ta kita e structura temporal. E structura temporal ta bay ta pa dos luna so y esey ta e minimo cu mester wordo haci pa por construi e brug, sin uza ekiponan cu mester bay den Lagoen pa por hisa e partinan pisa di e brug bay halto.
Mangel ta crece unda cu ta haya claridad di solo. Ora cu e ta haya sombra, e ta bay crece, pero riba un speed hopi mas abao pasobra e no ta haya suficiente luz. E brug naturalmente ta bay trece parti sombra bao di e brug mes. Eynan, si wak e brug existente, tin paar di mangel a crece, pero cu limitacion. Esey ta nifica cu esey ta un problema cu ta premira cu no ta bay tin den futuro.
Mester tene un espacio bao di e brug, unda cu mester tuma mantencion, pero esey un biaha mas lo wordo monitoria cu conseho di expertonan lo tin cu wordo haci, unda cu si yega asina leu di snoei, lo snoei nan.
Segun Kock, e prome rapport cu a wordo produci riba e tema aki, un compania local tabata tin diferente experto, cu a produci e rapport y for di e rapport ey, a sigui traha riba dje pa asina yega na tur e richtlijnen pa por yega asina leu cu ta bay corta e mangelnan, segun Jossy Kock.