Awendia sigur cu nos mester ta mas alerta cu nunca. Esaki ta mensahe di parti di John Larmonie, kende ta di Bureau Communicatie, Voorlichting en Preventie di Cuerpo Policial.
Tin cinco nivel di alerta mentalmente, cual ta blanco, geel, oranje y cora. Ta bisa tur hende cu tin cu biba awendia semper na geel. Geel no kiermen cu bo no ta den un panico, pero porta bo ta relaxed, pero conciente cu por tin hende cu por ta observa. Ora bo ta core den auto, wak ken ta bo tras, y si bo ta mira e mesun auto cerca di bo negoshi, den cercania di bo cas, si ta siguibo. Si bo sigui cu un auto ta keda constantemente bo tras, desvia di e ruta y wak si e ta sigui bin bo tras. Si bo ta sintibo insigur, bay na e warda di polis mas cerca.
Pero lo principal ta pa bo ta alerta. Si bo sinti cu algo cu no ta bon, tuma contacto cu cuerpo policial pa wak con por yudabo.
Temporada di fin di aña ta un temporada hopi druk pa tur hende y naturalmente pa comercio. E mensahe ta pa ta mas alerta y tuma mas hopi medida di siguridad cu ta posibel. No ta tur ora tur cos ta posibel, of cierto medidanan no ta financieel haalbaar, pero traha un plan, haci lo mas cu bo por. Zorg pa bo tin bon contacto cu polisnan di bario, cu e warda di mas cerca. Zorg pa bo tin e numbernan di emergencia registra den bo celular y pa constantemente, si ta posibel, si bo no ta sigur con bo ta para, tuma contacto cu polis y lo yudabo. Busca mas hopi conseho cu ta posibel y tuma mas medida cu ta posibel.
Segun Larmonie, e medidanan ta hou in masha hopi detaye. Un di nan ta pa bo no ta bo so ora bo ta haci cosnan asina. Hasta ta bisa hende cu si bo ta bay lanta cierto suma di placa y depende unda e ATM ta situa, e dia y ora, si ta posibel bay cu un persona hunto cubo.
Tin varios aspecto cu tin cu tene cuenta cune. Atrobe Cuerpo policial ta traha riba e parti preventivo. Ta percura pa tin mas hopi patruya cu ta posibel riba caya. Ta duna consehonan tambe pa yuda hende evalua. Aunke cu ta detene hende y haci investigacion y resolve hopi caso, toch crimennan ta keda tuma luga. Tin cu keda tene cuenta cu e factor eynan y mester ta alerta, segun Larmonie.
Cualkier cos cu mira, por yama semper 11141 tiplijn di polis. Ta hopi importante pa clarifica e punto eynan. Ora cu ta den un emergencia, no purba di contacto cuerpo policial via otro medio. Polis tin su pagina di facebook, pero contact via e number oficial cu ta 100. Percura pa sa e number, vooral si tin un negoshi of cas, wak pa bo tin e number cortico tambe di e warda di mas cerca dibo. Por ehempel si bo ta na Noord, bo tin cu yama warda di Shaba cu ta 107. Si bo sa e number di warda mas cerca di cas of negoshi, ora cu bo ta duna informacion cu ta sensitivo of peligroso pa bo identidad keda secreto, yama 11141. E tiplijn di polis ta e unico medio cu por garantisa pa ley cu bo ta keda anonimo. Cualkier medio cu bo ta pasa informacion pa cuerpo policial, e personanan ta obliga di traha proces verbaal y meld for di ken a trahe. Unico manera pa garantisa anonimato ta 11141 pasobra e ta regla den ley y por yama cu tur confiansa.