El narcotraficante Mexicano Joaquín ‘El Chapo’ Guzmán Loera a wordo extradita pa Merca, diahuebs. Gobierno Mexicano a informa di su decision, a traves di un comunicado y el a sigura cu e lider di e Cartel di Sinaloa ya ta den poder di autoridadnan Mericano ” pa e wordo procesa pa varios delito”.
Despues di un huida espectacular for di un prizon di maximo siguridad, el a keda fugitivo pa seis luna. Pero el a keda recaptura na Januari 2016.
El Chapo a keda entrega na un ekipo di DEA y di Inmigracion y Aduana. E lo wordo traslada pa New York, caminda e lo keda deteni na Manhattan. Ta ser spera cu e lo wordo husga na Brooklyn, pero ainda e detayenan no ta conoci.