PEKING, China – Dos jet Chines a intercepta un avion militar Mericano riba e Mar di China Oriental, medionan Mericano a informa, citando funcionarionan.
E cadena NBC News a bisa cu e avion, un WC-135 Constant Phoenix di reconocimento atmosferico, tabata cumpli cu un mision di rutina riba awanan internacional, ora cu el a wordo intercepta pa dos jet Chines, Sukhoi Su-30.
E avion WC-135, ta diseña pa busca señalnan di actividad nuclear den e atmosfera.
NBC a bisa cu e tripulacion di e avion Mericano a insisti cu e avion Mericano tabata operando di acuerdo cu leynan internacional.
Un funcionario a splica e cadena Mericano cu e incidente lo wordo trata cu Peking atrabes di e “canalnan diplomatico adecuado.”
Vocero di e Ministerio di Relacionnan Exterior di China, Hua Chunying, a bisa den un rueda di prensa di rutina, cu e no tabata tin informacion riba e incidente aki y e Ministerio di Defensa Chines no a responde na e solicitudnan di AFP pa ningun comentario.
Fuente: www.afp.com