Awe e refrenria ta di Aruba y pesey e proyecto di gas pa Aruba lo bay yuda, sin conta cu tur loke PDVSA tin pa ofrece pais Aruba den e plannan pa futuro segun Jesus Luongo.
Awendia, cu transporte publico cu ta maximisando e uzo di gas den transporte publico. Awendia nos por tin autobusnan cu tin un autonomia di 800 kilometer pa cada carga di gas. Imagina kico esaki por nifica Aruba. E ta un posibilidad importante y tin e experiencia eynan na Venezuela. Una bes cu switch pa gas, esey ta brinda un oportunidad tremeno. Venezuela a haci esfuersonan importante di gasificacion di nan hogar. Es decir, na luga di cumpra un cilinder di gas pa cushina, e gas ta yega directamente via tubo. Venezuela tin un experiencia importante y por explora esey.
Luongo ta splica cu e tema di e refineria ta caminda cu lo bay haci un inversion importante. Ta algo cu ta bal la pena acelera. Awendia Aruba ta doño di su refineria, cu den pasado esaki no a sosode. Ta diferente empresa cu a pasa eynan y a cera tres biaha cu diferente empresa. Pero ademas e refineria aki ta den e vision di PDVSA, e mision pais cu lo bay probecha e gran reservanan di hidrocarburo cu Venezuela tin cu tin na e faha di Orinoco. Eynan nan tin mas di 297 mil miyon di bari di reserva. Ta un reserva mas grandi di hidrocarburo di mundo. E crudo pisa y esey ta e crudo cu lo bay procesa na Aruba. Esey kiermen cu e refineria tin alimentacin pa mas di 100 aña. E reserva aki ta perdura pa 300 aña Luongo a splica. Nan lo bay haci’e cu ambos ekipo. E ekipo di Gobierno di Aruba y di Citgo, cu a traha hopi duro pa haci posibel cu awe nan a logra habri bek e refineria. Nan lo bay traha mas duro ainda, pa asina tene e refineria den servicio. Cu e gran reserva di crudo cu lo bay procesa eynan, ta sigura. Por lo demas, a logra haci un caso di negoshi, cu ta un caso rendabel cual ta necesario, segun Luongo.