Un persona cu sigur tin hopi preocupacion pa e grupo di hende cu limitacion paso e mes a pasa den hopi cos y te awe ainda Aruba tin e problema pa hendenan cu limitacion, ta Sra. Jenny Ras.Ta pa es motibo aki el a dicidi di subi lista cu partido MAS pa saca cara pa esunnan cu keto bay awe no ta ser balora.
Sra. Ras ta considera su mes cu e no tin limitacion, pero mas bien un reto fisico. Limitacion ta loke Gobierno y comunidad a pone pe. Cu hasta den enseñansa no tin un hende, un persona den rolstoel no ta yega leu. E infrastructura aki na Aruba no ta adecua. Esey ta haci cu hopi hende ta bandona nan isla, laga nan famia aki na Aruba, pa bay biba afo, pa un miho calidad di bida y por yega mas leu.
Pero Sra. Ras ta puntra su mes, si dicon otro pais por adapta na mes na personanan den rolstoel, dicon na Aruba no por? P’esey MAS a bin pa kibra barera y crea futuro.
Personanan cu limitacion tambe ta conta, y ta p’esey e ta gradici Sr. Holmo Henriquez pa e oportunidad pa Sra. Ras demostra su mes y cu e ta capaz, cu un rolstoel no ta stroba.