Diasabra ultimo a tuma lugar e tan spera songfestival 60+ cu cancionnan di Pasco combina cu Nochi di Baliadornan. Fundacion Movemiento ta Bida por mira bek ariba un anochi exitoso cu tabata sold out .
Pa 6 or di atardi exacto e songfestival a cuminsa y prome cu 9 or di anochi ya e ganadonan tabata conoci. E resultado ta lo siguiente;
Cantante mas Popular : Alfred Maduro
Miho Show: Jenny Ras .
5 luga: Marianna Dubero
4 luga: Gordon Toussain
3 luga: Wim Steenhuis
2 luga: Alfred Maduro
Ganadora : Jenny Ras
Tur participante a haci tur nan esfuerso pa brinda e publico grandi un anochi inolvidabel cu merece un repeticion. Un danki grandi na orkesta BADU y tambe Roy Sneek kende tabata encarga cu henter e songfestival. Despues di e festival e publico a balia bay gol cu La Nueva Fuerza y BADU.
E fundraising e aña aki atrobe a bay super bon y Fundacion Movemiento ta Bida kier a gradici tur esnan cu a yuda cu esaki. Primeramente Prensa, tambe CEDE Aruba, Manrique Capriles, Superfood, Renaissance Casino y Convention Center, tur e participantenan cu a carga e anochi aki y tambe nos soundman di semper cu atrobe a haci un tremendo trabou Jair Vrolijk.
Otro aña nos lo tin un otro Nochi di Baliadornan den November atrobe.