E FEBIAR Campeonato Nacional Bola 9 den e deporte di biyar a culmina diadomingo unda e ganadornan di e torneo a keda conoci. Ya for di diabierna un cantidad grandi di hungador a entrenta otro den e rondanan preliminar unda un total di ocho hungado so e sigui pa e buelta final of e single knockout riba diadomingo. Mester bisa cu Febiar a dicidi di uza un otro formato pa loke ta e ronda final unda e hungado cu cay venci no por continua y ta afo. Mas cu claro esaki ta haci cu cada wega riba su mes ta un final paso a lo largo tur hende ta hunga cu e mesun obhetivo esta di bira e campeon overall.
Un decision pa ora nos atletanan di biyar hunga torneonan internacional, mentalmente nan ta fuerte prepara. Pa loke ta e resultado final di e campeonato nacional Bola 9 e campeon a resulta Jason Kock mientras na di dos luga a keda Jorzhino Everon. Na di tres cu di cuater luga nos a haya Mark Farro y Emil Kock mientras esunnan cu e termina di 5 pa di ocho luga tabata Richard Wolf, Elvis Evertsz, Jorge Petrocchi y Ryan Kock.
Den 2017, un di e exigencianan pa representa Aruba den Exterior, e hungadonan lo mester cumpli cu atende tres torneo Nacional y tres torneo di Clasificacion. Aki e ganadonan lo keda defini cu e hungadonan cu mas punto overall. Nan lo tin e oportunidad di representa Aruba dignamente den exterior. E proximo evento di FEBIAR lo inicia ta 20 di Mei cual lo ta un qualify bola 9, cuminsando pa 1:30 na POVA Club.
Un danki sigur na Lotto, e Loteria di Aruba pa medio di Comision di Subsidio cu a yuda subsidia e campeonato nacional di FEBIAR.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.