Diabierna anochi e torneo HEINEKEN a continua riba veld di Dragon Hitters. E ekipo di Jaguars cual ekipo ta invicto ainda a bolbe gana pa pone su record 4-0. Diadomingo awor 12:15pm Jaguars lo topa su contricante mas grandi esta Aruba Bank Lady Tigers cual wega ta mustra di bira un tremendo partido. Jaguars desde prome inning a probecha di algun eror den combinacion cu hitnan oportuno pa habri e wega for di otro anotando 5 careda. Jaguars 16 careda, 10 hit, 0 eror. Rebels un ekipo hopi hoben den desaroyo 0 careda, 1 hit, 4 eror. Miho bateadonan pa Jaguars ta Shalomi v/Uytrecht 1-1, Melissah Daniel y Jennysela Tromp ambos 2-2, Cathleen Geerman di 1-1, Ahira Ignacio di 2-1, Milvienne Henriquez y Zuleika Peña di 3-1. Pa Rebels Zjaika Kock ta conecta e unico hit y ta bay di 2-1. Weganan ta continua diasabra y lo termina diadomingo awor na veld di Dragon Hitters. Fanaticada ta keda cordialmente invita pa bin apoya nos atletanan femenino.