E dicho di “ Un deportista mas ta un delincuente menos” sigur lo logra su meta bou di e proyecto “Ban Cultiva”, según Jacqueline van Putten. Mi ta hopi orguyoso di por ta forma parti di e gobierno actual specialmente trahando den e departamento di deporte bou encargo di Minister Dangui Oduber cu lo trese e cambio pa cu deporte. Lo bai implementa programa di conscientisacion cu énfasis riba importancia di deporte pa nos salud y desaroyo positivo di nos hubentud. Pa tin un mehor calidad di cuido, prevención social, deporte pa un y tur, guía social pa muchanan , adolescentenan y hobennan vulnerabel. Esaki ta algún vision di e gobernación aki. Pa logra e visión aki Minister di Deporte tin varios plan riba mesa cu pronto lo wordo ehecuta unda cada mucha y adulto lo haya e oportunidad pa move y haci deporte y un di e punto di salida ta cu e facilidadnan deportivo mester ta situa mas tanto den e bario unda usuario ta biba. En cooperacion cu Minister di Salud y Deporte, y Minister di Asuntonan Social siqur e projecto “ Ban Cultiva” lo bira un éxito.