WILLEMSTAD – Despues cu su detencion a wordo prolonga den dos ocasion parlamentario di MFK, Jacinta Constancia a sali liber. Despues cu el a haya su libertad den oranan di merdia, el a duna su declaracion na prensa, hunto cu lider di MFK, kende a declara cu e ta compronde naturalmente ora cu e ta den un luga cera, semper tin hende cu ta apoya y kere den bo, a sabiendas cu algo cu a sosode ta robes. El a splica cu Dios a obra un biaha mas. Esaki ta un comienso nobo pa stop di humiya otro. Awor aki ta bay pa un era nobo.
El a splica tambe cu e ta laga su partido dicidi kico lo bay pasa awo.
El a splica cu cel no ta bon ni pa Jacinta ni pa ningun hende. El a mira cu e luga riba su no ta bon y falta di cambio den gobernacion.
Fout a cos cu por pasa tanto den parlamento como otro luganan cu hendenan ta traha.
Den e partido tin hende ta kere den un cambio sigur y un alternativa nobo na Corsou. Ta den un temporada di Cuaresma y tey pa sigui padilanti. Alternativa nobo pa Corsou ta ora cu pueblo ta den gobernacion y cambio ta bin ora cu MFK ta den Gobernacion, el a splica.
Constancia tin 15 aña den politica y 4 aña den parlamento. E tey pa sirbi su pueblo limpi, sincero y honesto. E ta fastioso cu un hende cu a yega ayera y bisa loke a wordo bisa. Tur hende mester pone cabes trankil. E ta kere firmemente pa Corsou tin u bon comienso y pone Dios na prome luga.
E reunion publico di mañan, 3 di Maart, pa 1’or y mey di merdia, lo bay tin 7 pastoor presente pa drenta den oracion. Den cas di pueblo Dios nunca no por falta, segun parlamentario y lider di partido MFK, Gerrit Schotte. Hopi cos a wordo bisa pa hopi aña y a yega e momento pa hala un strepi y drenta den un era nobo. Un era cu ta pone hende realisa cu ta hopi robes bezig pa hopi aña.
Parlamentario Jacinta Constancia a wordo ricibi pa su coleganan di partido, lider di MFK, su famianan y simpatisantenan na momento cu el a sali liber.