SVb ta invita tur pensionado pa download e jaaropgaaf 2015 via di su website www.svbaruba.org. Pensionadonan por registra pa MiPensioen cu e number di AOV/AWW y un email adres valido.
Si e pensionado no a regsitra ainda e por haci esaki mesora.
Pensionadonan cu a registra caba por download e jaaropgaaf 2015 libremente.
Den e vision 2020 cu ta encera un era nobo pa SVb , nos tambe ta bay green, cu esaki nos ta introduciendo paso pa paso nos era digitalisa. Esaki ta encera menos uzo di papel y servicio na e punta di dede di nos clientenan.
SVb ta convenci cu mehora servicio pa e pensionado ta encera, no mester di bin sinta serca nos pa haya un formulario. Nos ta duna e pensionado e posibilidad pa download y print esaki nan den e trankilidad di su hogar, den caso especifico awor e jaaropgaaf 2015 na su cas.
E jaaropgaaf ta necesario ora di yena aangifte di belasting, tambe tin cierto instancianan cu por pidi pa un jaaropgaaf pa specificacion di entrada. Den caso cu e pensionado no ta yena e papel di belasting no ta necesario pa pidi of busca e jaaropgaaf di SVb.
Den caso cu tin cualkier problema cu e servicio di MiPensioen riba nos website www.svbaruba.org , por manda un email na [email protected] of por tuma contacto cu nos via na telefon 5272760.