SINGAPORE, Malaysia – E inkietud respecto Grecia, Italia y Banco Central Europeo a golpia e Euro y a lastra e bolsa di Asia y a apoya e Yen y oro diamars, aunke cu comercio tabata schaars cu varios mercado regional cera pa e dianan feriado.
Eindice MSCI di accionnan Asiatico pafo di Hapon, a cay un 0,2 porciento. Na Hapon, e indice Nikkei di e bolsa di Tokia, a cede levemente. E mercadonan di China, Hong Kong y Taiwan tabata cera diamars pa algun dianan festivo local.
E ministernan di Finansas di e zona Euro no a logra yega na un acuerdo siman pasa cu e Fondo Monetario Internacional riba un alivio di e debe Griego of e entrega di prestamona nobo na Atenas, pero a acerca lo suficiente pa apunta e obhetivonan ey den nan reunion di Juni.
Algun comentario di ex prome minister Italiano, Matteo Renzi, diadomingo na fabor di e celebracion di un eleccion na e mesun momento cu lo tuma luga algun votacion di Alemania na September tambe a aumenta e incertidumbre y a debilita e Euro.
E presidente di Banco Central Europeo, Mario Draghi, a reitera dialuna e necesidad di un estimulo “substancial” di cara na un inflacion conteni.
E indice dollar, cu ta sigui e desempeño di e moneda Mericano contra un canasta di seis divisa importante, a avansa un 0.3 porciento na 97,751. Frente e moneda Hapones, dollar a resta un 0,4 porciento na 110,88 Yen. E euro a baha un 0,45 porciento na 1,1114 dollar.
E inversionnan tabata na espera di un serie di indicadornan economico, incluyenod e Producto Interno Bruto (GDP) di Francia den e prome trimester, e Indice di Prijs na Consumidor di Alemania pa Mei y e inflacion di Merca pa April mas dilanti den e sesion.
Den e mercadonan di materia prima, e futuro di petroleo na Merca a perde un 0,1 porciento, na 49,78 dollar pa bari. E crudo Brent di London a debilita un 0,4 porciento, 52,09 dollar pa bari E oro a suma un 0,1 porciento na 1.268 dollar pa ons.
Fuente: www.reuters.com