TEL AVIV, Israel – Israel a reclama diahuebs un reunion di e Conseho di Siguridad di Nacionnan Uni pa analisa e “incitacion na violencia” di parti di Palestina en respuesta na e atake perpetra pa un hoben den un mercado di e ciudad di Petaj Tikva, oost di Tel Aviv.
“Un Palestion di 18 aña a yena di odio, a ataca awe e Israelinan inocente. E atake aki terorista e resultado directo aki di e actual incitacion di e lidernan Palestino,” Danny Danon a sigura den un comunicado di e embahado Israeli dilanti Nacionnan Uni.
Segun Dannon, “e comunidad internacional mester tuma accionnan inmediato y decidido contra e incitacionnan aki antes cu e ta yega na un mayor deramamento di sanger.”
Ademas di pidi un reunion di Conseho di Siguridad, e representante Israeli a exigi na e secretario general di Nacionnan Uni, Antonio Guterres, un condena di e atake.
Nacionnan Uni, cual sede tabata awe cera pa e sneeuw na new York, no a keda pronuncia pa awe.
E atake na Petaj Tikva a laga diahuebs seis herido leve y e sospechoso, identifica pa polis como un hoben Palestino di 18 año, a wordo deteni,
Segun testigonan, e atacante a habri contra un autobus den e entrada di e mercado di e ciudad, den un dia caminda cu e Israelinan ta haci nan compra pa fin di siman, cu a cuminsa awe, diabierna.
Fuente: NTN24