TEL AVIV, Israel- Prome Minister Israeli, Benjamin Netanyahu, den un discurso televisa a sigura cu su pais miles di pagina di material di prueba di e existencia di un programa di armanan nuclear di caracter secreto desaroya pa Iran, según AFP a informa.
Den e curso di e presentacion Netanyahu a mustra supuesto pruebanan di un programa secreto Irani denomina Amad, di cual ta supone cu e Republica Islamico di Iran ta desaroya un programa secreto di armamento nuclear.
“Na 2017, Iran a sconde su archivonan di desaroyo di armanan nuclear”, segun e hefe di Gobierno Israeli, cu a acusa Iran di sconde archivonan di arma nuclear. “Iran ta gaña tocante di cu nunca e tabata tin un programa di armanan nuclear”, el a agrega.
“Despues di e firma di e acuerdo nuclear di 205, Iran a intensifica su esfuersonan pa sconde su archivonan nuclear secreto”, e prome minister Israeli a denuncia den e programa di television.
Netanyahu a declara cu Israel a comparti informacion di e programa di nuclear secreto di Iran cu servicionan di inteligencia di Merca y el a mustra sigur di cu Trump “lo tuma e decision corecto” riba e acuerdo di Iran.
Na 2015 Iran a scrap su programa di energia nuclear pa asina e sancionnan wordo lanta.
Minister di Relacionnan Exterior, Javad Zarif a aparece den publico pa acusa Sr. Netanyahu di ta “gaña hende”.
Presidente di Merca, Donald Trump pa un tempo caba a bin ta menasa di cancela e acuerdo, cual a wordo logra bou presidencia di Barack Obama.
Potencialnan Europeo a bisa cu nan ta comprometi pa mantene e acuerdo.
E acuerdo firma entre Iran y seis superpotencia mundial a lanta e sancionnan economico paralisante a cambio di lanta e restriccionnan na e programa nuclear di Teheran.
E miedo tabata ta cu Iran lo uza e programa pa crea un arma nuclear.
Segun e acuerdo, conoci oficialmente como e Plan di Accion Integral en Conhunto (JCPOA), Iran a compromete su mes na corta den e cantidad di su centrifuganan cu ta mashinnan uza pa enrikece uranio.
Fuente: http://www.bbc.com