Manera cu nos por mira riba e reportahe grafico akinan, Isla di Margarita ta pasando door di e efectonan di Tormenta Tropical Bret. Actualmente, e islanan ABC, Aruba, Boneiro y Corsou, ta en espera di e tormenta aki. Aruba ya caba ta preparando for di diasabra caba y cu e experiencia cu nos tabata tin ultimamente despues di Matthew, ta sigur cu nos lo pasa door di esaki sin ningun problema.
Segun ultimo detayenan cu nos a ricibi for di Meteo pa 8’or di mainta, Ta premira cu sistema aki lo bay afecta region local den proximo 24 pa 48 ora.
Por spera rafaga di biento den awasero cu por yega 35 te 40 nudo (beaufort 8), cantidad di awasero cu por varia di 10 te 25 mm, localmente por ta mas, y lama bruto, na parti noord di e isla cu olanan di 5 pa 10 pia, y na parti zuid 2 te 4 pia, den labaderanan biniendo for di oost cu e sistema aki lo causa. Pa e motibo aki aruba ta bou di un tropical storm watch.
Keda pendiente pa mas informacion pa loke ta e ultimo informenan riba esaki.